अपडेट

जुम्ला। जुम्लामा दलित समुदायका एक युवामाथि जातीय विभेद गरेको आरोपमा एक महिला पक्राउ परेकी छन्।

जिल्ला सदरमुकामस्थित कालेखोलीको एक होटलमा राजबहादुर सुनारमाथि गुठिचौर गाउँपालिका–३ की कविता बुढाले ‘डुम’ भन्दै अपशब्द प्रयोग गरी दुर्व्यवहार गरेकी थिइन्। उक्त घटनाको भिडियो सामाजिक सञ्जालमा सार्वजनिक भएपछि व्यापक विरोध भएको थियो।

भिडियो सार्वजनिक भएसँगै प्रहरीले आइतबार दिउँसो करिब १ बजेतिर बुढालाई नियन्त्रणमा लिएको हो। जिल्ला प्रहरी कार्यालय, जुम्लाका प्रहरी नायव उपरीक्षक (डीएसपी) रविनबाबु रेग्मीका अनुसार घटनाबारे थप अनुसन्धान भइरहेको छ।

प्रहरीका अनुसार पीडित पक्षबाट जाहेरी आउन केही समय लाग्ने बताइएको छ भने घटनाबारे बुझ्ने काम जारी रहेको छ।

यहाँ प्रकाशित कुनै समाचारमा तपाईंको गुनासो भए हामीलाई ranginpati123@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।